नेपाली कांग्रेसका राष्ट्रिय सभा सदस्य राधेश्याम अधिकारीले प्रधानन्यायाधीशलाई महाअभियोग लगाएर पदच्यूत गर्नु संविधानसम्मत हुने धारणा राखेका छन्। प्रधानन्यायाधीश जबराविरुद्ध संसदमा महाअभियोग लगाउन उपयुक्त हुने उनको धारणा थियो।

शुक्रबार काठमाडौंमा आयोजित एक कार्यक्रममा बोल्दै उनले अदालतका कुनै पनि न्यायाधीश कानुनभन्दा माथि छैनन् भन्ने पुष्टि गर्न पनि प्रधानन्यायाधीश जबराविरुद्ध महाअभियोग लगाउन ढिलाइ गर्न हुन्न भन्ने पक्षमा आफूले सुरुदेखि नै अडान राख्दै आएको बताए। वरिष्ठ अधिवक्तासमेत रहेका अधिकारीले प्रधानन्यायाधीश जबराविरुद्ध महाअभियोग लगाएर पदच्यूत गर्न सकिने पर्याप्त आधार रहेको दाबीसमेत गरे ।

उनले भने, ‘उहाँका विरुद्धमा महाअभियोग लाग्न सक्छ, लाग्नुपर्छ । अरू कुराबाट भन्दा पनि उहाँ महाअभियोगबाटै जानु बेस । राजीनामा किन माग्ने रु संविधानतः पनि उहाँलाई महाअभियोग लगाएर बिदा गर्नुपर्छ र अदालतमा कोही पनि कानुनभन्दा माथि छैन भन्ने सिद्ध हामीले गर्नुपर्छ ।