काठमाडौं । नेपालमा आज कोरोना भाइरस (कोभिड) १९० का २११ जना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ९ हजार ४५१ जनाको परीक्षण गर्दा सो संख्यामा संक्रमित थपिएका हुन् ।

मन्त्रालयका अनुसार ८ हजार १८ जनाको पीसीआर परीक्षण गर्दा १९७ र १ हजार ४३३ जनाको एन्टीजेन परीक्षण गर्दा १४ जनामा संक्रमण पुष्टि भएको हो ।

मन्त्रालयले आज थप ३२९ जना संक्रमित निको भएर घर फर्किएको जनाएको छ । यस्तै आज थप २ जनाको मृत्यु भएको छ ।

आज देशभरी ६ हजार १०५ जना सक्रिय संक्रमित रहेका छन् ।