सार्वजनिक गीतमा नायिका अदिती बुढाथोकी र नायक धिरज मगर फिचर्ड छन् । अस्मिता अधिकारी र अनमोल गुरुङको स्वर रहेको गीतको शब्द तथा संगीत पनि गायक गुरुङकै रहेको छ । गीत सञ्जिव बराईलीले एरेन्ज गरेका हुन् ।

कार्यक्रममा बोल्दै अभिनेता भुवन केसीले फिल्मले सफलता हात पार्ने बताए । उनले फिल्मको टिजर र गीत हेर्दा नै चलचित्रले इतिहास रच्ने लागेको बताए । त्यस्तै नायिका अदिती बुढाथोकीले फिल्म हेरेर माया गर्न आग्रह गरिन् ।

त्यस्तै नायक धीरज मगरले सुटिङको बेलामा धेरै गाह्रो भएपनि अहिले फिल्म र गीत उत्कृष्ट बनेको बताए । त्रिकोणात्मक प्रेमकथामा आधारित फिल्ममा अदिती र धिरजसँगै धिरज नाडकरको पनि मुख्य अभिनय रहनेछ ।

फिल्ममा बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला गुरुङ, दिलिप गुरुङ लगायतका कलाकारको अभिनय छ । फिल्मको निर्माता गणेश बुढाथोकी पुष्पालता बुढाथोकी हुन् भने सुष्मा गुरुङ सह निर्माता रहेका छन् ।

फिल्म काठमाडौं, झापा, मोरङ र उत्तरी सिक्किमका विभिन्न रमणीय स्थानमा छायाङकन गरिएको छ । फिल्म बाबरी भदौ ३१ गतेदेखि हलहरुमा प्रदर्शन हुनेछ ।