२०८१ श्रावण २ - Wed Jul, 2024 -

Janasewa News

ए डिभिजन लिगमा मनाङको तीन खेल पोखरा रंगशालामा हुने

मनाङ मर्स्याङ्दी क्लब । अखिल नेपाल फुटबल संघ

२३ मंसिर, काठमाडौं । शहीद स्मारक ए डिभिजन लिग अन्तर्गत मनाङ मर्स्याङ्दी क्लबले खेल्ने तीन खेल पोखरा रंगशालामा हुने भएको छ ।

अखिल नेपाल फुटबल संघ एन्फाले पहिलो पटक लिग फुटबल काठमाडौं बाहिर खेलाउन लागेको हो ।

मनाङले पोखरालाई घरेलु मैदान बनाउने निर्णय गरेपछि नै एन्फाले यसवर्षको लिगका केही खेल पोखरा रंगशालामा खेलाउने तयारी गरेको थियो ।

पाँचौंदेखि सातौं चरणसम्म मनाङले खेल्ने तीन खेल पोखरामा हुने एन्फा महासचिव इन्द्रमान तुलाधरले बताए । ‘पाँचौ, छैटौं र सातौं चरणको खेल पोखरामा हुनेछ । हामी त्यसको तयारी गरिरहेका छौँ’ तुलाधरले भने ।

मनाङले नेपाल पुलिस क्लब, ब्रिगेड ब्वाइज र च्यासल युथ क्लबसंग पोखरामा खेल्नेछ । पाँचौं, छैटौं र सातौं चरणमा मनाङका प्रतिस्पर्धी तीन क्लबले पोखरा रंगशालामा मनाङसँग खेल्ने प्रस्ताव स्वीकार गरेपछि मोफसलमा लिगका खेल हुने पक्का भएको हो ।

लिगको शुरुको तीन चरणको खेल त्रिपुरेश्वरस्थित दशरथ रंगशालमा आयोजना भइसकेको छ । अब चौथो चरणको खेल पनि दशरथ रंगशालामा हुनेछ ।

एन्फाले ललितपुरको च्यासल फुटबल मैदानमा पनि यस पटक लिगको खेल खेलाउने तयारी गरिरहेको छ । यस्तै एन्फा कम्प्लेक्समा पनि लिग खेलाउने एन्फाको योजना छ ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
janasewanews@gmail.com
www.janasewanews.com