कांग्रेस सभापतिको निर्वाचनमा पहिलो चरणबाट बाहिरिएका एक उम्मेदवार प्रकाशमान सिंहले दोस्रो चरणको निर्वाचनमा शेरबहादुर देउवालाई समर्थन गर्ने बताएका छन्।

दोस्रो चरणमा सभापति पदका लागि देउवा र शेखर कोइरालाबीच प्रतिस्पर्धा हुँदैछ।

ूउहाँले यस पटक मलाई सहयोग गर्नूस् विधानमा र पार्टीमा भइरहेका कमीकमजोरीमा सल्लाह गरेर कामे गर्छौँ भनेर प्रतिबद्धता जनाउनुभएको छ । अब दोस्रो चरणमा हामीहरू उहाँलाई नै समर्थन गर्छौँ, सिंहले भने।

पहिलो चरणको निर्वाचनमा कसैले पनि ५० प्रतिशत मत प्राप्त गर्न नसकेपछि कांग्रेसको शीर्ष नेतृत्व चयनका लागि दोस्रो चरणमा मङ्गलवार साढे ३ बजेदेखि मतदान हुँदैछ।

सिंहले आफ्नो निवास चाक्सीबारीमा त्यस्तो घोषणा गर्दा देउवा र सिंहको प्यानलबाट उपसभापति उम्मेदवार सुजाता कोइराला साथमै उभिएका थिए।