सर्लाही । प्रहरीको भ्यानको ठक्करबाट मृत्यु भएका व्यवसायी रामकुमार महत्तोको परिवारलाई राहत स्वरुप दश लाख रुपैयाँ दिने लगायतका ६ बुँदे सहमति भए पनि आज पुनः वयलवास क्षेत्रमा निषेधाज्ञा जारी गरिएको छ ।

सहमति भए पनि पुनः प्रदर्शन हुने सम्भावना भएको भन्दै जिल्ला प्रशासन कार्यालयले निषेधाज्ञा जारी गरेको हो । प्रशासनले आज बेलुकी ७ बजेसम्म निषेधाज्ञा जारी गरेको हो ।

आज मृतकको दाहसंस्कारपछि मात्र निषेधाज्ञा खुलाउने बताईएको छ । आज पनि वलवास क्षेत्रमा सुरक्षाकर्मी परिचालन गरिएको छ ।

फेन्सी पसल संचालन गर्दै आएका महतो पसल बन्द गरेर मामाघर चन्द्रनगर तर्फ जादैँ गर्दा प्रहरीको भ्यानले ठक्कर दिएको थियो ।