काठमाडौं । सरकारले एमसीसी सदनमा टेबल गरेसँगै काठमाडौंमा भएको विरोध प्रदर्शनले उग्ररुप लिएको छ ।

सत्ता गठबन्धनमा रहेका दलहरू नेकपा माओवादी केन्द्र र नेकपा (एकीकृत समाजवादी) निकटका भ्रातृ संगठन एमसीसीका विरोधमा काठमाडौंको नयाँ बानेश्वर क्षेत्रमा आइतबार दिनभर प्रदर्शन गरेका छन् ।

प्रदर्शनका क्रममा प्रहरी र प्रदर्शनकारीबीच पटक पटक झडप भएको थियो । स्थितिलाई नियन्त्रणमा लिन प्रहरीले रबरको गोलीका साथै दर्जनौ सेट अश्रुग्यास प्रहार गरेको थियो ।

त्यस्तै प्रदर्शनका क्रममा दुई पक्षका केही घाइते भएका छन्, भने दर्जनौ प्रदर्शनकारीलाई प्रहरीले नियन्त्रणमा लिएको छ ।