चितवन । चितवनमा जुवा खेलिरहेका ५ जना पक्राउ परेका छन् । इलाका प्रहरी कार्यालय खैरहनीबाट खटिएको प्रहरी टोलीले खैरहनी नगरपालिका–७ सुर्तेनीमा तास खेलिरहेका ५ जनालाई शनिबार अपरान्ह पक्राउ गरेको हो ।

प्रहरीले खैरहनी नगरपालिका वडा नम्बर ८ निवासी ४४ वर्षीय प्रेम प्रसाद महतो, ३४ वर्षीय दिपक महर्जन, ४७ वर्षीय निल बहादुर पुन, खैरहनी ६ निवासी ४९ वर्षीय शुसिल रिजाल, सोहि स्थानका ३३ वर्षीय दामोदार बस्नेत पक्राउ परेका प्रहरीले जनाएको छ ।

उनीहरुको साथबाट प्रहरीले ७६ हजार ८ सय २० रुपैयाँ र तीन बुक तास बरामद गरेको जिल्ला प्रहरी कार्यालय चितवनका प्रवक्ता नरहरि अधिकारीले जानकारी दिए ।