युवा संगठनले काठमाडौँ मा एमसीसीविरुद्ध गरे प्रदर्शन
काठमाडौं । अमेरिकी सहयोग परियोजना एमसीसी सम्झौता राष्ट्रघाती भएको भन्दै विभिन्न साना ६ दल निकट युवासंगठनले काठमाडौंमा विरोध प्रदर्शन गरेका छन् ।
शनिबार काठमाडौंको माइतिघरदेखि बानेश्वरसम्म एमसीसी सम्झौताविरुद्ध उनीहरुले खुकुरी (डेमो) सहित विरोध प्रर्दशन गरेका हुन् ।
प्रदर्शन गर्नेहरुमा युवा संगठन नेपाल, वैज्ञानिक समाजवादी युवा लिग नेपाल, अखिल नेपाल युवक संघ, वाईसीएल समाजवादी लगाएतका रहेका छन् ।
उनीहरुले मुलुकको हित विपरितको एमसीसीलाई तत्काल खारेज गर्नुपर्ने माग राखेका थिए ।