संयुक्त राष्ट्र संघका महासचिव एन्टोनियो गुटेरेसले अर्को साता रुसी र युक्रेनी नेताहरूसँग भेट्ने तयारी

काठमाडौँ । संयुक्त राष्ट्र संघका महासचिव एन्टोनियो गुटेरेसले अर्को साता रुसी र युक्रेनी नेताहरूसँग भेट्ने तयारी गरेका छन् । गुटेरेसले मंगलबार रुसी राष्ट्रपति भ्लादिमिर पुटिनलाई भेट्ने तथा विदेशमन्त्री सर्गेई लाभरोभसँग मस्कोमा कार्य बैठक गर्ने अपेक्षा गरिएको बीबीसीले जनाएको छ ।

त्यसपछि गुटेरेसले बिहीबार युक्रेनी राष्ट्रपति भोलोदिमिर जेलेन्स्की र विदेशमन्त्री दिमिट्रो कुलेबालाई भेट्न कीभ जाने बताइएको छ । रुसले युक्रेनमाथि आक्रमण जारी राख्दा राष्ट्र संघका महासचिवमाथि दुई देशबीचद्वन्द्व समाधानका लागि थप सक्रिय भूमिका निर्वाह गर्न दवाव बढ्दै गएको छ ।
रुस र युक्रेन राष्ट्र संघका संस्थापक सदस्य हुन् ।