नेपालमा थप ५ जनामा कोरोना पुष्टि, १७ संक्रमित निको भए
नेपालमा थप ५ जनामा कोरोना पुष्टि, १७ संक्रमित निको भए
काठमाडौं । नेपालमा थप ५ जनामा कोरोना संक्रमण पुष्टि भएको छ । देशभर गरिएको १ हजार ६६ पीसीआर परीक्षणका क्रममा ४ जना र १ हजार १४८ एन्टिजेन परीक्षणका क्रममा १ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ ।
कोरोनाका कारण विहीबार पनि कसैको मृत्यु भएको छैन । त्यस्तै थप १७ संक्रमित निको हुँदा हालसम्म नेपालमा ९ लाख ६६ हजार ६ सय २९ जना निको भएका छन् । हाल नेपालमा २ सय ३० सक्रिय संक्रमित आइसोलेशनमा रहेको मन्त्रालयले जनाएको छ ।
त्यस्तै पछिल्लो २४ घण्टामा मुलुकभर ७४ हजार ६४६ जनाले कोरोनाविरुद्धको खोप लगाएका मन्त्रालयले जानकारी गराएको छ ।