भरतपुर महानगरपालिकामा फेरि मतगणना सुरु

जनसेवा न्युज डटकम संवाददाता
भरतपुर महानगरपालिकामा फेरि मतगणना सुरु भएको छ । महानगरको वडा नम्बर २ मा ३० कम भेटिएपछि मतगणना केहीबेर रोकिएको थियो ।

मुचुल्कामा भन्दा ३० मत कम देखिएको दलका प्रतिनिधिहरुले बताएका छन् । ३० मत कम भेटिएपछि नेकपा एमालेले मुख्य निर्वाचन कार्यालयमा सोमबार निवेदन दिने भएको छ ।

भरतपुर महानगरपालिकामा गठबन्धनबाट मेयरमा उम्मेदवार रहेकी माओवादी केन्द्रकी रेनु दाहाल र नेकपा एमालेका विजय सुवेदीबीच कडा प्रतिस्पर्धा भइरहेको छ ।