बैतडीको शिवनाथको अध्यक्षमा काँग्रेस र उपाध्यक्षमा एमाले विजयी
बैतडीको शिवनाथको अध्यक्षमा काँग्रेस र उपाध्यक्षमा एमाले विजयी
जनसेवा न्युज डटकम संवाददाता
बैतडीको शिवनाथ गाउँपालिकाको अध्यक्षमा नेपाली काँग्रेसका कर्णसिंह साउद र उपाध्यक्षमा नेकपा (एमाले) का शकुन्तला साउद विजयी भएका छन् । अध्यक्षमा कर्णले ३ हजार १ सय ६५ मत ल्याइ विजयी हुँदा उनका निकटतम प्रतिद्वन्द्वी एमालेका हजारी साउदले २ हजार ८ सय ४९ मत ल्याएका छन् ।
उपाध्यक्षमा एमालेका शकुन्तला साउदले २ हजार ८ सय १७ मत ल्याइ विजयी हुँदा उनका निकटतम प्रतिद्वन्द्वी नरेन्द्रसिंह साउदले २ हजार ६ सय ७९ मत ल्याएका छन् । ६ वडा रहेको शिवनाथको ३ वडामा नेकपा (माओवादी केन्द्र) ले विजय हासिल गरेको छ भने, २ वडामा काँग्रेस र १ मा एमाले विजय भएको छ ।
शिवनाथ गाउँपालिकाको वडा नं: १, वडा नं: ३ र वडा नं: ५ मा नेपाली काँग्रेस विजयी भएको छ भने, वडा नंं: २, वडा नं: ४ मा नेकपा एमाले विजय भएको छ । वडा नं: १ को अध्यक्षमा काँग्रेसका बल्देवसिंह चाड विजयी हुँदा वडा नं:२ को अध्यक्षमा एमालेका सुरेन्द्र सिंह साउद विजयी भएका छन् ।
यसैगरी वडा नं:३ मा काँग्रेसका केशव कलौनी विजयी हुँदा वडा नं: ४ मा एमालेका धनबहादुर महता विजयी भएका छन् । वडा नं: ५ मा काँग्रेसकै केशव चन्द विजयी भएका छन् । वडा नं: ६ मा नेकपा (माओवादी केन्द्र) का भरत पार्की विजयी भएका छन् ।
