भरतपुर महानगरपालिका–५ को वडाध्यक्षमा कांग्रेसका श्रेष्ठ विजयी
चितवन । भरतपुर महानगरपालिकाको वडा नं ५ को वडाध्यक्षमा सत्ता गठबन्धनका कांग्रेस उमेदवार युद्ध श्रेष्ठ विजयी भएका छन् । श्रेष्ठले एमालेका प्रतिस्पर्धी उमेदवार पदमपाणी सुवेदीलाई १२१ मतअन्तरले पराजित गरेका हुन् ।
श्रेष्ठले २ हजार ७२ मत ल्याउँदा एमालेका सुवेदीले १ हजार ९५१ मत प्राप्त गरेका छन् । सुवेदी निर्वतमान वडाध्यक्ष हुन् ।
उनले २०७४ सालको निर्वाचनमा कांग्रेसका भक्तिप्रसाद तिमिल्सिनालाई ९१ मतले पराजित गरेका थिए । वडा नं ५ मा ४ हजार ५९४ मत गणना भएको थियो ।