जनसेवा न्युज डटकम संवाददाता

धनुषाकाको विदेह नगरपालिकामा नेकपा एमाले विजयी भएको छ । एमालेका उम्मेदवार बेचन दास ४ हजार ४ सय १२ मत ल्याएर विजयी भएका हुन् । उनका निकटतम प्रतिस्पर्धी नेकपा एकीकृत समाजवादीका उम्मेदवार राजिकिशोर रोहिता यादवले ३ हजार ४ सय २६ मत ल्याएका थिए ।

त्यसैगरी, उपमेयरमा पनि एमालेका उम्मेदवार आशादेवी झा ४ हजार ६ सय ५९ मतका साथ विजयी भएकी छन् । उनकी निकटतम प्रतिस्पर्धी नेकपा एकीकृत समाजवादी पार्टीका उपमेयरका उम्मेदवार सीमाकुमारी महतोले २ हजार ८ सय २७ मत ल्याएकी थिइन् । मेयरमा निर्वाचित दासअघि नेकपा माओवादी केन्द्रबाट पनि सोही नगरपालिकाको मेयरमा निर्वाचित भएका थिए । तर, पार्टी विभाजनको क्रममा उनी माओवादी केन्द्र छोडेर एमालेमा प्रवेश गरेका थिए ।