अब ६८ वर्ष माथिका जेष्ठ नागरिकलाई सामाजिक सुरक्षा भत्ता

काठमाडौं । सरकारले अब ६८ वर्ष माथिका जेष्ठ नागरिकलाई सामाजिक सुरक्षा भत्ता दिने भएको छ । यसअगाडि ७० वर्ष माथिका जेष्ठ नागरिकलाई मात्रै सामाजिक सुरक्षा भत्ता वितरण गर्दै आएको थियो ।
आइतबार अर्थमन्त्री जनार्दन शर्माले संघीय संसदको दुवै सदनमा प्रस्तुत गरेका सरकारको आगामी आर्थिक वर्षको बजेटमा सोे कुरा उल्लेख गरिएको छ । सामाजिक सुरक्षा भत्ताका लागि सरकारले १ खर्ब ३४ अर्ब रुपैयाँ विनियोजन गरेको छ ।

साथै, सामाजिक सुरक्षा भत्ता नलिने स्वघोषणा गर्ने ब्यक्तिलाई सरकारले विशेष सम्मान गर्ने भएको छ । त्यस्तै म्यादी प्रहरीलाई लक्षित गरी उद्यमशील र रोजगारीका कार्यक्रम प्रदान गरिने भएको छ ।