काठमाडौं । नेकपा (एमाले) का सचिव योगेश भट्टराईले अप्ठ्यारोको बेला सम्हालिन नेताहरुलाई सुझाव दिएका छन् ।

सामाजिक संजाल ट्वीटरमा ट्वीट गर्दै उनले आबेग, उत्तेजना र आग्रहमा कुनै पनि प्रतिकृया नदिन उनले आग्रह गरेका छन् । सो प्रकारको प्रतिकृयाले सहि ठाउँमा नपुर्याउने उनले दावी गरेका छन् ।

‘अप्ठ्यारो बेलामा सबै समालिनु पर्छ । आबेग, उत्तेजना र आग्रहमा गरिने कुनै पनि कृया र प्रतिकृयाले सहि ठाउँमा पुर्याउँदैन । फेरी पनि बादे बादे जायते तत्व बोध,’ उनले ट्वीटमा भनेका छन् ।

उनको यो प्रतिकृया एमाले पार्टीकै पछिल्लो आन्तरिक किचलोप्रति लक्षित छ । स्थानीय निर्वाचनमा सोचे अनुरुप जित ल्याउन नसक्दा एमालेभित्र एक प्रकारको खैलाबैला पैदा भएको छ ।

नेकपा एमाले अनुशासन समितिले पार्टीमा वैचारिक मानिएका नेता घनश्याम भूषाललाई कारवाही गर्न सिफारिस गरेको छ । उनलाई एक सञ्चार माध्यममा अध्यक्ष केपी शर्मा ओलीको आलोचना गरेको भन्दै कारवाहीको सिफारिस गरेको हो ।

उक्त सिफारिस लगत्तै सचिव भट्टराईले ट्वीटमार्फत उक्त प्रतिकृया दिएका हुन् ।