लुम्बिनी प्रदेशको नीति तथा कार्यक्रम : दाङ स्थायी राजधानी, बुटवल आर्थिक राजधानी (पूर्णपाठ)
जनसेवा न्युज सडटकम संवाददाता
लुम्बिनी प्रदेश सरकारले प्रदेशको गौरवका आयोजनालाई प्राथमिकता दिँदै नीति तथा कार्यक्रम सार्वजनिक गरेको छ । लुम्बिनी प्रदेश प्रमुख अमिक शेरचनले प्रदेश सभा प्रदेश सरकारको वार्षिक नीति तथा कार्यक्रम पेस गर्दै प्रदेशका गौरवका आयोजनालाई प्राथमिकता दिइने जनाएका हुन् ।
प्रदेशको राजधानी दाङलाई लुम्बिनी प्रदेशको स्थायी राजधानी निर्माणको योजनालाई प्रदेश गौरवको आयोजनाका रुपमा लिइएको छ । अस्पताल, सडक, जलविद्युतलाई पनि गौरवको आयोजनाको रूपमा नीति तथा कार्यक्रममा समावेश गरिएको छ ।
प्रदेश सरकारले लुम्बिनी र राप्ती प्रादेशिक अस्पताललाई गौरवको आयोजनामा राखेर नमुना आयोजनाका रूपमा निरन्तरता दिँदै क्यान्सर तथा मुटु रोगीलाई दुई लाख दिने योजना बनाएको छ । बुटवलमा मेडिकल कलेज बनाउने, राजधानी क्षेत्र रहेको दाङको लालमटियामा ५० शय्याको अस्पताल बनाइने नीति तथा कार्यक्रममा उल्लेख छ ।
प्रदेश प्रमुख शेरचनले प्रदेशसभाले निर्धारित गरेको राजधानीलाई समेटी नयाँ नगरपालिकाको रूपमा विकास गर्ने प्रक्रिया थालनी गरिने पनि उल्लेख गरे । राजधानी तोकिएको स्थान अहिले राप्ती गाउँपालिकामा पर्दछ ।
यस्तै हाल प्रदेशको अस्थायी मुकाम रहेको बुटवललाई आर्थिक राजधानी र कपिलवस्तुलाई सांस्कृतिक राजधानीको रूपमा विकास गर्ने नीति तथा कार्यक्रममा उल्लेख छ ।
नीति तथा कार्यक्रमको पूर्ण पाठ–