सोफिया भुजेल बनिन् ‘मिस युनिभर्स नेपाल २०२२’

जनसेवा न्युज डटकम संवाददाता

‘मिस युनिभर्स नेपाल २०२२’ को विजेता सोफिया भुजेल बनेकी छन् । १५ प्रतियोगीलाई पछि पर्दै सोफियाले उपाधि चुमेकी हुन् । विजेताले १० लाख नगदसहित हिराजडित ताज लगाउन सफल भइन् । उनलाई गत बर्षकी मिस युनिभर्स नेपाल विजेता सुजिता बस्नेतले ताज पहिराएकी थिइन् । राजधानीको होटल याक एन्ड यतिमा बिहीबार सम्पन्न फिनालेमा उत्कृष्ट १६ बाट १० र ५ मा छनोट हुँदै अन्तमा विजेता घोषणा गरिएको हो ।

उमङ्ग क्रियसनको आयोजना र प्रशोधन कम्पनी ओरिफ्लेम मुख्य प्रयोजक रहेको प्रतियोगिताका विजेता भुजेलले अन्तराष्ट्रिय सौन्दर्य प्रतियोगिता ‘मिस युनिभर्स २०२२’ मा नेपालको प्रतिनिधित्व गर्नेछिन् । कार्यक्रममा मोनालिसा पराजुली फोर्थ रनरअप, सेफिना जोशी थर्ड रनरअप, आस्मा केसी सेकेन्ड रनरअप, विपना फस्ट रनरअप घोषित भए ।