निर्वाचन आयोगले आजदेखि मतदाता नामावली अध्यावधिक गर्ने

काठमाडौँ । निर्वाचन आयोगले आजबाट मतदाता नामावली अद्यावधिक गर्ने भएको छ । मङ्सिर ४ गते हुने प्रतिनिधि सभा तथा प्रदेश सभा निर्वाचनका लागि आजबाट मतदाता नामावली अद्यावधिक गर्ने भएको हो ।

आयोगले सम्बन्धित वडा कार्यालय र जिल्ला निर्वाचन कार्यालयमा मतदाता नामावली प्रकाशन गर्ने छ । नामावलीमा रहेको त्रुटि सच्याउन, नामावलीको विवरणमा विरोध, एक स्थानमा मात्र नाम राख्न भदौ १३ देखि १५ गतेसम्म निर्वाचन कार्यालयमा निवदेन दिन सकिने आयोगले जनाएको छ ।
मृत्यु भएका र नागरिकता त्यागेका व्यक्तिको मतदाता नामावलीबाट नाम हटाउन १३ देखि १६ गतेसम्म निवेदन दिनुपर्ने आयोगका सचिव गोकर्णमणी दुवाडीले जानकारी दिए ।