इन्डोनेसियामा फुटबल खेलका क्रममा भागदौड मच्चिँदा १२७ जनाको मृत्यु
इन्डोनेसियामा फुटबल खेलका क्रममा भागदौड मच्चिँदा १२७ जनाको मृत्यु
जकार्ता । इन्डोनेसियामा एक फुटबल खेलमा भागदौडका क्रममा १२७ जनाको मृत्यु भएको छ भने १८० जना घाइते भएको इन्डोनेसियाको पूर्वी जाभा प्रान्तका प्रहरी प्रमुखले बताएका छन् ।
इन्डोनेसियाली प्रिमियर लिगको खेल समाप्त भएपछि दुई प्रतिद्वन्द्वी फुटबल टोलीका समर्थकहरू बीच धेरै विवाद भएको थियो । जसमा पर्सेबाया सुराबायाले अरेमा मलंगलाई ३२ ले हराएको थियो ।
हार्ने पक्षका समर्थकहरूले पिचमा आक्रमण गरेका थिए भने भीड नियन्त्रण गर्न अधिकारीहरूले अश्रु ग्यास प्रहार गरेका थिए । जसका कारण भीडमा भागदौड मच्चिएको थियो ।
अश्रु ग्यासबाट बच्न सयौं मानिस बाहिर निस्किएर गेटमा दौडिए । कोही अराजकतामा निसासिए र अरूलाई कुल्चिए, जसबाट धेरै मानिसहरूको तत्कालै मृत्यु भएको समाचार एजेन्सी एएफपीले इन्डोनेसियाली प्रहरीलाई उद्धृत गर्दै बताएको छ ।
३ सयभन्दा बढी घाइतेहरूलाई उपचारका लागि नजिकैका अस्पतालहरूमा लगिएको थियो तर धेरैको बाटोमा र धेरैको उपचारका क्रममा मृत्यु भएको हो ।