ओलीलाई भेट्न बालकोट पुगे प्रकाशमान

जनसेवा न्युज डटकम संवाददाता

काठमाडौँ क्षेत्र नम्बर १ बाट प्रतिनिधि सभा सदस्यमा निर्वाचित कांग्रेस नेता प्रकाशमान सिंहले एमाले अध्यक्ष केपी शर्मा ओलीलाई भेटेका छन् । आइतबार साँझ सिंह अध्यक्ष ओली भेट्न बालकोट पुगेका हुन् ।

दुई नेताको भेटमा आपसमा चुनाव जितेकोमा बधाई साटासाट भएको सिंहका प्रेस संयोजक युपी लामिछानेले बताए । ‘बधाई साटासाट र चुनावी नतिजाबारे छलफल भयो, त्यसबाहेक सामान्य राजनीतिक कुराकानी पनि हुने नै भयो’,लामिछानेको भनाइ छ ।

प्रतिनिधि र प्रदेशसभा निर्वाचनको मत परिणाम आइरहेका क्रममा ओली र सिंहबीचको भेटघाटलाई अर्थपूर्ण रुपमा हेरिएको छ । एमालेका नेताहरूले कांग्रेससँगको सत्ता सहकार्यका लागि आफूहरू खुला रहेको बताइरहेका बेला कांग्रेका प्रभावशाली नेता सिंहले ओलीलाई भेटेका छन् ।