काठमाडौँ- इंग्लिस क्लब चेल्सी च्याम्पियन्स लिग फुटबलको क्वार्टरफाइनलबाटै बाहिरिएको छ । मंगलबार राति भएको क्वार्टरफाइनलको दोस्रो लेगमा स्पेनिस क्लब रियल मड्रिडसँग २-० ले पराजित हुँदै चेल्सी च्याम्पियन्स लिगबाट बाहिरिएको हो ।

पहिलो खेलपनि २-० ले जितेको साविक विजेता मड्रिड समग्रमा ४-० को नतिजासहित सेमिफाइनलमा प्रवेश गरेको हो । मंगलबार रातिको खेलमा मड्रिडका लागि दुबै गोल रोड्रियगोले गरेका थिए ।

यता इटालियन क्लब एसी मिलानले इटालीकै नापोलीसँग १-१ को बराबरी खेल्दै समग्रमा २-१ को नतिजासहित अन्तिम चारमा स्थान सुरक्षित गर्‍यो ।