काठमाडौँ- अमेरिका भ्रमणमा रहेको म्यानचेस्टर युनाइटेड र आर्सनलबीच भएको मैत्रीपूर्ण फुटबल खेलमा युनाइटेड विजयी भएको छ ।

न्यू जर्सीको मेटलाइफ स्टेडियममा भएको खेलमा युनाइटेडले आर्सनललाई २-० ले पराजित गरेको हो ।

८२ हजार भन्दा बढी दर्शकमाझ खेलिएको खेलमा युनाइटेडका लागि ब्रुनो फर्नान्डेज र जाडोन सान्चोले एक-एक गोल गरे ।

कप्तानको रुपमा फर्नान्डेजले पहिलो खेलमै गोल गर्न सफल भए ।

खेलको निर्धारित समयपछि दुई टिमबीच पेनाल्टी सुटआउट समेत भएको थियो । पेनाल्टीमा पनि युनाइटेडले आर्सनललाई ५-३ ले पराजित गर्‍यो ।