काठमाडौँ- दक्षिण अफ्रिका फिफा महिला विश्वकप फुटबलको नकआउट चरणमा प्रवेश गरेको छ ।

समूह ‘जी’ अन्तर्गत न्यूजिल्यान्डको वेलिङ्टन रिजनल स्टेडियममा आज भएको खेलमा इटालीलाई ३-२ ले पराजित गर्दै दक्षिण अफ्रिका अन्तिम १६ मा प्रवेश गरेको हो ।

दक्षिण अफ्रिका समूहको उपविजेताको रुपमा अघिल्लो चरणमा प्रवेश गरेको हो । दक्षिण अफ्रिकाले ३ खेलबाट ४ अंक जोडेको छ । यता ३ अंक जोडेको इटाली भने समूह चरणबाटै बाहिरिएको छ ।

दक्षिण अफ्रिकाको जितमा हिल्दाह मगाइया र थेम्बी गाट्लानाले एक-एक गोल गर्दा इटालीकी बेनेडेटा ओर्सीले एक आत्मघाती गोल गरिन् ।

इटालीका लागि दुवै गोल आरियाना कासुराले गरिन् ।