एमालेले पार्टीबाट बिदा दियाे केशव स्थापितलाई, तीन विभागको सचिवमा नयाँ नियुक्ति
काठमाडौं । काठमाडौं महानगरपालिकाका पूर्व मेयर तथा नेकपा एमालेका केन्द्रीय सदस्य केशव स्थापितले पार्टीबाट बिदा लिएका छन् । कुनै पनि कार्यकारी पदमा नरहने भन्दै उनले पार्टीबाट राजीनामा दिएका हुन् ।
एमाले एक नेताकाअनुसार उनको राजीनामा स्वीकृत गरिएको छ । सोमबार बसेको पार्टीको सचिवालय बैठकले उनीसहित अन्य दुई नेताको राजीनामा स्वीकृत गरेको ती नेताले जानकारी दिए । स्थापित बाग्मती प्रदेशका पूर्व मन्त्रीसमेत हुन् ।
बैठकले पार्टीका तीन संगठनको सचिवमा समेत नयाँ नियुक्ति दिएको छ । एमालेले संगठन विभागको सचिवमा माधव ढुंगेललाई मनोनीत गरेको हो । त्यस्तै अर्थ तथा योजना विभागको सचिवको जिम्मेवारी क्रान्ति बुर्लाकोटीले पाएकी छन् । उनी युवा संघकी पूर्व उपाध्यक्षसमेत हुन् ।
यस्तै खानेपानी तथा सरसफाइ सचिवमा आर वशिष्ठ मनोनीत गरेको छ ।