संसद्का दुई समितिका बैठक बस्दै
काठमाडौँ- संघीय संसद् अन्तर्गतका दुई समितिको बैठक बस्दैछ ।
दिगो विकास तथा सुशासन समिति तथा विधायन व्यवस्थापन समितको बैठक बस्न लागेको हो ।
संसद् सचिवालयका अनुसार दिगो विकास समितको बैठक बिहान ११ बजे बस्नेछ भने विधायन समितको बैठक दिउँसो १ बजे बोलाइएको छ । सिंहदरबारस्थित संसद् सचिवालयका हलमा उक्त बैठक बस्नेछ ।
दिगो विकास समितमा नेपालमा प्लास्टिकजन्य फोहोरमैला व्यवस्थापन सम्बन्धी नीतिगत छलफल हुनेछ भने विधायन समितिमा उत्तरविधायिकी परीक्षणको विषय चयनका विषय कार्यसूचीमा राखिएको छ ।
