२०८१ बैशाख १ - Sat Apr, 2024 -

Janasewa News

गृहकार्य नपुगेको भन्दै माओवादीले गरेन कार्यविभाजन

काठमाडौं । कार्यविभाजनको विषयमा गृहकार्य नपुगेको भन्दै नेकपा माओवादी केन्द्रको स्थायी समिति बैठक आइतबार केही समय बसेर सकिएको छ ।

पार्टी उपाध्यक्ष तथा प्रवक्ता अग्निप्रसाद सापकोटाका अनुसार बैठक मंगलबार पुनः बस्नेछ । ‘कार्यविभाजन र अभियानको गृहकार्यका लागि भनेर बैठक मंगलबार सम्मका लागि सरेको छ’, सापकोटाले भने, ‘थप गृहकार्यसहित मंगलबार पुनः बैठक बस्नेछ ।’

माओवादी केन्द्रले आगामी १ चैतदेखि सुरु गर्ने भनिएको अभियानलाई मध्यनजर गरी सांगठिनक जिम्मेवारी हेरफेर गर्ने तयारी गरेको छ । गत शुक्रबार बसेको बैठकले यस विषयमा प्रारम्भिक छलफल गरे पनि आज टुंगोमा पुग्ने निर्णय गरेको थियो ।

माओवादीले विधान अधिवेशनपछि नयाँ अभियानलाई केन्द्रीत गरी प्रदेश इन्चार्जसहित नेताहरूको कार्यविभाजन गर्ने तयारी गरेको छ । साथै, यसअघि सम्पन्न चार महिने अभियानमा खटेका कार्यकर्ताको मूल्यांकन गरी सम्मान र कारवाहीको विषयमा पनि माओवादी स्थायी कमिटीले निर्णय गर्ने छ ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com