प्रहरी र सशस्त्रको अस्पताल सुधार गर्न गृह मन्त्रालयले बनायो समिति
काठमाडौँ । नेपाल प्रहरी अस्पताल र सशस्त्र प्रहरी बलले सञ्चालन गरेको एपीएफ अस्पताल रिफर्म गर्न गृह मन्त्रालयले समिति गठन गरेको छ । प्रशासन महाशाखाका सहसचिवको संयोजकत्वमा समिति गठन गरिएको गृह मन्त्रालयका एकजना उच्च अधिकृतले रातोपाटीलाई बताए ।
सहसचिव रुद्रप्रसाद पण्डितको सरुवा भएपछि प्रशासन महाशाखामा नयाँ सहसचिवको पदस्थापन भैसकेको छैन । समितिमा नेपाल प्रहरी अस्पतालमा कार्यरत डीआईजी डा.सुन्दरप्रसाद हैंजु, एपीएफ अस्पतालका प्रमुख डीआईजी डा.रूपक महर्जन, स्वास्थ्य मन्त्रालयका प्रतिनिधि र सामान्य प्रशासन मन्त्रालयका प्रतिनिधि सदस्य छन् ।
