गजल
………

नसोध हावा सँग, केही नसोध बादल सँग !

कस्तो कहानी हुन्छ रुम जस्तो पागल सँग !

खुशी साथ मुस्कुराउन, पाएनन् ओठहरुले !

जीवनभर खेल्न पाए दुखको ओखल सँग !

काँडाहरुको सफरमा गोडा खाली थियो !

अझै अपरिचित छ, बजारको चप्पल सँग !

बचपनले छोडेको समेत ,पत्तो भएन मलाई !

लुकामारी खेलिरहन्थेँ आमाको आँचल सँग !

नयाँ महलको दाँजोमा, राख्नु हुन्थेन मलाई !

म हरेक दिन रमाउथेँ , पुरानो धरातल सँग !

             सृष्टि सावित्रा