नेपालमा थप २ जनामा कोरोना पुष्टि, १६ जना निको भए
नेपालमा थप २ जनामा कोरोना पुष्टि, १६ जना निको भए
काठमाडौं । नेपालमा थप २ जनामा कोरोना संक्रमण पुष्टि भएको छ । मुलुकभर पछिल्लो २४ घण्टामा १ हजार २५४ जनाको आरटी पीसीआर र एन्टिजेन विधिबाट परीक्षण गर्दा थप २ जनामा कोरोना पुष्टि भएको हो ।
स्वास्थ्य तथा जनसंख्या मन्त्रालयका अनुसार १ हजार १२७ जनाको आरटी पीसीआर विधिबाट परीक्षण गर्दा २ जना र १ सय २७ जनाको एन्टिजेन विधिबाट परीक्षण गर्दा कसैमा पनि संक्रमण पुष्टि नभएको हो । योसँगै नेपालमा कोरोना संक्रमितको कुल संख्या ११ लाख १९ हजार १९८ पुगेको छ ।
त्यस्तै पछिल्लो २४ घण्टामा मुलुकभर १६ संक्रमित निको भएका छन् । योसँगै नेपालमा कोरोना संक्रमण मुक्त हुनेहरुको संख्या ९ लाख ६६ हजार ८८९ पुगेको छ । पछिल्लो २४ घण्टामा पनि कसैको मृत्यु नभएको मन्त्रालयले जनाएको छ ।
हाल नेपालमा १ सय ५० जना संक्रमितहरु आइसोलेसनमा रहेका मन्त्रालयले जनाएको छ ।