काठमाडौं ।बैठकमा सहभागी भएका सत्तारुढ पाँच दलका शीर्ष नेताहरुको बैठकले आगामी बैठकमा प्रधानन्यायाधीश बारे छलफल गर्ने भन्दै पाँच दलीय समन्वय समिति गठन गरेको छ । सोमबार बसेको सत्तारुढ दलको बैठकमा प्रधानन्यायाधीश चोलेन्द्र शम्शेर जबरा राणाको राजीनामा प्रकरणले प्रवेश पाएन ।
प्रधानन्यायाधीश जबराको राजीनामा प्रकरणले इजलास बन्द र न्यायाधीशहरु सडकमा छन् । कोही न्यायाधीशहरु भने प्रधानन्यायाधीश जबराको बचाउ गर्दै अदालतमा पार्टीका कार्यकर्ताहरु प्रवेशमा निषेध गर्न माग गरेका छन् ।

तर, प्रधानन्यायाधीशको विषय गठबन्धनको बैठकमा कुनै छलफल भएको छैन । बैठकले सरकार सञ्चालनमा सहयोग गर्न ११ सदस्यीय समन्वय समिति बनाएको छ ।

यस्तै, आगामी राष्ट्रियसभा चुनावमा सँगै मिलेर जाने सहमति पनि भएको छ । राष्ट्रियसभाका २० सदस्यको कार्यकाल आगामी फागुनमा सकिँदैछ । २० जनामध्ये १९ जना निर्वाचनमार्फत चयन गरिनेछ ।