धादिङमा बस – बस ठोक्किँदा ३५ जना घाइते

धादिङको नीलकण्ठ नगरपालिका ८ ससाह नजिकै आज बुधवार दुई वटा बस ठोक्किएर दुर्घटना भएको छ । दुई वटा बस ठोक्किएर दुर्घटना हुँदा ३५ जना घाइते भएका जिल्ला प्रहरी कार्यालय धादिङले जानकारी दिएको छ ।

काठमाण्डौदेखी धादिङबेसी हुँदै फुलखर्क आउँदै गरेको ना ७ ख ५८२८ नम्बरको बस र धादिङबेसीबाट चितवन जाँदै गरेको ना ५ ख ३२३५ नम्बरको बस दुर्घटना भएको जिल्ला प्रहरी कार्यालय धादिङका प्रहरी नायब उपरीक्षक डीएसपी एवम् सूचना अधिकारी जागेश्वर भण्डारीले जनसेवा न्युज लाई बताउनुभयो ।

दुर्घटनामा घाइते भएकाहरूको धादिङ अस्पतालमा उपचार भइरहेको छ । गम्भीर घाइते भएका दुई जनालाई काठमाण्डौको ट्रमा सेन्टरमा थप उपचारका लागि रिफर गरिएको बताउनु भयो ।

Leave a Comment

Your email address will not be published. Required fields are marked *

Get 30% off your first purchase

X
%d bloggers like this: