काठमाडौं ः निर्वाचन आयोगले मंसिर १७ गतेदेखि देशभर मतदाता नामावली संकलन गर्ने भएको छ । आयोगले विशेष अभियानको रुपमा स्थानिय चुनावको निर्वाचन मिति तोकिनु अघि नैै नामावली संकलन गर्न लागेको हो ।

आयोगको अनुसार सबै स्थानिय तहको केन्द्रबाट मतदाता नामावली संकलन गर्न हिमाली र पहाडी जिल्लाका स्थानिय तहमा १० दिन तथा तराई र काठमाडौं उपत्यकाका स्थानिय तहले १५ दिन सञ्चालन गर्ने भएका छन् ।

आयोगले ७७ जिल्लाको सम्पुर्ण तहबाट पनि हाल मतदाता नामावली संकलन गरिरहेको छ । देशभर करीब २ हजार ३ सय कर्मचारी प्रत्यक्ष रुपमा संम्लग्न हुने र पुस २० गतेसम्म सबै स्थानिय तहमा मतदाता नामावलीको संकलन भइसक्ने आयोगले जनाएको छ ।