काठमाडौं । अभिनेत्री निशा अधिकारी केही समयदेखि चलचित्रको पर्दाबाट हराएजस्तै छिन् । निशाले काम गरेको पछिल्लो चलचित्र ‘पोखराकी काली’ हो । यो चलचित्रमा काम गर्दैगर्दा निशा आमा बनेकी थिइन् ।

अब भने निशा चलचित्र ‘म’बाट कमब्याकको तयारीमा छन् । चलचित्रको शुभसाइत समारोहमा पुगेकी निशाले अब आफू निरन्तर चलचित्रको काममा लाग्ने बताइन् । उनले भनिन् अब म निरन्तर चलचित्रमा काम गर्छु । बीचमा पनि मैले चलचित्रमा काम नगरेको भने होइन । यसैले मेरो ग्याप भने भएको थिएन ।’

नेपाली चलचित्रमा कुनै समय निक्कै चर्चामा रहेकी निशा सन्तान जन्माएपछि भने चर्चामा छैनन् । निशा अब आफू फेरि पहिलेजस्तै चलचित्रमा सक्रिय हुने सोचमा छिन् ।