सत्तारुढ गठबन्धनको बैठक सुरू : बैठक ढिला सुरु भएपछि बाहिरिए माधव नेपाल

काठमाडौं । बालुवाटारमा सत्तारुढ गठबन्धनको बैठक सुरु भएको छ । सर्वदलीय बैठक बस्नुअघि प्रधानमन्त्री शेरबहादुर देउवाले बोलाएको गठबन्धनको बैठक सुरु भएको छ ।

२ बजेका लागि तय गरिएको बैठक ढिला सुरु भएपछि नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपाल बैठक हलबाट बाहिरिएका छन् ।

समयमै छलफल सुरु नभएकाले र आफू अर्को बैठकमा जानुपर्ने भएकाले गएको उनले बताएका छन् । प्रधानमन्त्री देउवा ज्यापु दिवसको अवसरमा आयोजित एक कार्यक्रममा सहभागी हुँदा बैठक बस्न ढिला भएको बताइएको छ ।

हाल सत्तारुढ गठबनन्धनको बैठकमा प्रधानमन्त्री देउवासहित नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ जनता समाजवादी पार्टी (जसपा) का अध्यक्ष उपेन्द्र यादवलगायत शीर्ष नेताहरु सहभागी रहेका छन् ।

Leave a Comment

Your email address will not be published. Required fields are marked *

Get 30% off your first purchase

X
%d bloggers like this: