२०८० चैत्र १६ - Fri Mar, 2024 -

Janasewa News

जनताहरुले कांग्रेस, एमाले र माओवादीको दाम्लो चुँडालेर राप्रपाको अभियानलाई साथ दिनुपर्छ : लिङ्देन

दाङ । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले कम्युनिष्ट र कांग्रेसले देशलाई बन्धक बनाएको टिप्पणी गरेका छन् ।

दाङमा बिहीबार भएको लुम्बिनी प्रदेशको विस्तारित बैठकमा उनले कम्युनिष्ट र कांग्रेसले तीन दशकदेखि मुलकमा लुटतन्त्र मच्चाएको आरोप लगाए ।

‘देश कांग्रेस–कम्युनिष्टहरुको बन्धक बनेको छ’ उनले भने ‘त्यसको साक्षी जनता भन्दा को हुन सक्छ ? २०४६ सालपछि लोकतन्त्र र गणतन्त्रका नाममा देशलाई भष्ट्राचारमा डुबाउने काम भएको भन्दै लिङ्देनले भने, ‘वाइडबडी काण्डदेखि बालुवाटार जग्गा प्रकरणसम्म हरेक दल मुछिएका छन् । कम्युनिष्ट र कांग्रेसले सिन्डिकेट लगाएर देश लुटेको उनको जिकिर छ ।

लिङ्देनले ठूला–ठूला सपना देखाएर जनतालाई गाईवस्तुजस्तो ठानेको टिप्पणी गरे । जनता कुनै पार्टीको गाईवस्तु होइनन्’ उनले भने, अब परिवर्तन चाहने हो भने जनताहरुले कांग्रेस, एमाले र माओवादीको दाम्लो चुँडालेर राप्रपाको अभियानलाई साथ दिनुपर्छ ।’

राप्रपा अध्यक्ष लिङ्देनले राजसंस्था फाल्नु नै गलत भएको बताए । उनले कांग्रेस र कम्युनिष्टले एउटा राजा फालेर थुपै्र राजा जन्माएर मुलुकमा आर्थिक भार थपेको टिप्पणी गरे । ‘हिजो एउटा राजाकै कारण देश बनेन भनेर राजा फालियो’ उनले भने, ‘अहिले धेरै राजाहरु जन्मिएर देश बर्बादीमा पुग्यो ।’

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com