काठमाडौं । नेकपा (एमाले) का नेता तथा पूर्वमन्त्री गोकुल प्रसाद बास्कोटाले नेपालमा पत्रकारिताको निष्पक्षता गुम्दै गएको औँल्याएका छन् ।

बुधबार बनेपामा आयोजित प्रेस चौतारी नेपालको सातौँ अधिवेशनमा बोल्दै बास्कोटाले पत्रकारितामा निष्पक्षता क्षीण बन्दै गएको र ग्लानी लाग्न थालेको बताए ।

उनले नेपालको पात्रकारिताको इतिहास छिमेकी मुलुक भारतको भन्दा पुरानो रहेको दर्शाउँदै पत्रकारले निष्पक्षता गुमाउनु ठूलो अपराध भएको बताए ।

उनले भने, ‘छिमेकी मुलकु भारतभन्दा पुरानो इतिहास बोकेको नेपाली पत्रकारितामा निष्पक्षता क्षीण बन्दै गएको छ। ग्लानी हुन थालेको छ। अहिले नेपाली पत्रकारितामा निष्पक्षताको खाँचो छ।’