राष्ट्रियसभा निर्वाचन : बागमतीबाट दुवै सिटमा गठबन्धनका उम्मेदवार निर्वाचित
प्रकाशित : माघ १३, २०७८
हेटौंडा । राष्ट्रियसभा निर्वाचनअन्तर्गत बागमती प्रदेशतर्फको दुवै सिटमा सत्तारुढ पाँच दलीय गठबन्धनका उम्मेदवार निर्वाचित भएका छन् ।
बुधबार हेटौंडाको औद्योगिक क्षेत्रमा सम्पन्न राष्ट्रियसभातर्फ रिक्त रहेको महिला र अन्यतर्फका गरी दुई सदस्य चयनका लागि भएको निर्वाचनमा गठबन्धनबाट नेकपा एकीकृत समाजवादीकी गोमादेवी तिमल्सिना र अन्यमा कांग्रेसका कृष्णप्रसाद पौडेल विजयी भएका हुन् ।
तिमल्सिनाले स्थानीय तहतर्फ ११६ र प्रदेशतर्फ ५७ मत प्राप्त गरेकी थिइन् भने पौडेलले स्थानीय तहतर्फ ११७ र प्रदेशतर्फ ५६ मत प्राप्त गरेका थिए ।