जनसेवा न्युज संवाददाता

प्रधानमन्त्री तथा नेपाली काँग्रेसका सभापति शेरबहादुर देउवाले लोकगीत संकलक, गायक तथा अभिनेता जयनन्द लामाको निधनप्रति दुःख व्यक्त गरेका छन् ।

काँग्रेस मुख्य सचिव कृष्णप्रसाद पौडेलले आज बुधबार एक विज्ञप्ति जारी गर्दै लामा निधनप्रति देउवाले दुःख व्यक्त गरेको उल्लेख गरेका छन् । देउवाले लामाको निधनबाट मुलुकले गीत संगीत, चलचित्र एवं हास्य क्षेत्रका एक असल साधकलाई गुमाएको बताए ।

नेपालको सांस्कृतिक क्षेत्रको श्रीवृद्धिमा लामाले पुर्याएको योगदान सदा स्मरणीय रहने विज्ञप्तिमा उल्लेख छ ।