एमसीसी पास गर्न सहमती जुटाउन बसेको कांग्रेस–एमालेको बालकोट बैठक निष्कर्ष विहिन
काठमाडौं । सत्तारुढ नेपाली कांग्रेस र प्रतिपक्षी नेकपा एमालेबीचको बालकोट बैठक वार्ता विना निश्कर्ष टुंगिएको छ ।
यसअघिको बैठकजस्तै दुवै दलबीचमा आआफ्नै अडान रहेपछि शनिबारको बैठकले कुनै ठोस निर्णय नलिएको बताएको छ ।
बैठकपछि सञ्चारकर्मीसँगको कुराकानीमा सञ्चार तथा सूचना प्रविधिमन्त्री ज्ञानेन्द्रबहादुर कार्कीले बैठकमा एमालेसँग संसद् सुचारु गर्न र अमेरिकी सहायता परियोजना मिलेनियम च्यालेन्ज कर्पोरेशन (एमसीसी) सम्झौता अनुमोदन संसद्बाट गर्न आग्रह गरिएको बताए ।
तर, एमालेले भने आफ्नो पूरानै अडान दोहोर्याएको मन्त्री कार्कीले बताए । एमालेले आफ्नो माग पूरा नभएसम्म संसद् अवरोध नहटाउने र एमसीसीको सन्दर्भमा निर्णय नगर्ने अडान लिएको छ ।
शनिबारको बालकोट बैठकमा प्रधानमन्त्री शेरबहादुर देउवा जाने भनिए पनि व्यवस्तताका बाजबुद अनुपस्थित भएको बताइएको छ ।