स्थानीय तहको निर्वाचनमा एमालेले बहुमत हासिल गर्ने छ : उपमहासचिव पृथ्वीसुब्बा गुरुङ
फाइल तस्वीर
तनहुँ । नेकपा (एमाले) का उपमहासचिव पृथ्वीसुब्बा गुरुङले स्थानीय तहको निर्वाचनमा एमालेले बहुमत हासिल गर्ने दाबी गरेका छन् ।
एमाले तनहुँ जिल्ला कमिटीले आज बेलचौतारामा आयोजना गरेको घोषणासभामा उहाँले स्थानीय तहको निर्वाचनमा एमालेको जितलाई कसैले रोक्न नसक्ने जिकीर गरे ।
एमालेप्रति देशभर जनताको आकर्षण बढेको छ, सोही कारण एमालेको जित निश्चित छ उनले भने, एमालेलाई हराउने कुनै शक्ति छैन ।
विगतमा पार्टी छाडेर जाने पनि पुनः एमालेमै फर्किने लहर चलेको उनको भनाइ थियो ।