भरतपुर १ को वडाध्यक्षमा कांग्रेसका केशव विजयी, मेयरमा रेणुकै अग्रता
भरतपुर १ को वडाध्यक्षमा कांग्रेसका केशव विजयी, मेयरमा रेणुकै अग्रता
चितवन । भरतपुर महानगरपालिकामा वडा नम्बर १ को मतगणना सकिएको छ। वडाध्यक्षमा कांग्रेसका केशव महर्जन विजयी भएका छन् । उनले एमालेका शुक्रकुमार श्रेष्ठलाई ८४ मतले हराएका हुन् ।
३ हजार २७७ मत गणना हुँदा सत्ता गठबन्धनको तर्फबाट मेयर उम्मेदवार बनेकी माओवादी केन्द्रकी रेणु दाहालले १ हजार २०८ मत प्राप्त गरिन् भने एमाले र राप्रपाका साझा उम्मेदवार विजय सुवेदीले १ हजार ०८७ मत प्राप्त गरे ।
बागी उम्मेदवारी दिएका जगन्नाथ पौडेलको ४३० मत आएको छ । उपमेयरमा गठबन्धनबाट कांग्रेसका चित्रसेन अधिकारीले १ हजार ३६५ मत र राप्रपाकी हिमला गुरूङले ८७७ मत पाएका छन् ।