काठमाडौंको मेयरमा केशव स्थापितले दर्ता गराए उम्मेदवारी

काठमाडौं । आसन्न स्थानीय तहको निर्वाचनमा नेकपा एमालेबाट काठमाडौं महानगरपालिकाको मेयरको टिकट पाएका केशव स्थापितले मनोनयन दर्ता गराएका छन् । स्थापित सोमबार दिउँसो प्रमुख निर्वाचन अधिकृतको कार्यालय राष्ट्रिय सभागृह पुगेर आफ्नो उम्मेदवारी दर्ता गराएका हुन् ।

स्थापितसँगै एमालेबाट काठमाडौं महानगरमा उपमेयरको टिकेट पाएकी सुनिता डंगोल उम्मेदवारी दर्ता गराएकी छन् ।

दुवै जना बाजागाजासहित प्रमुख निर्वाचन अधिकृतको कार्यालय पुगेका थिए ।

स्थापित २०५४ सालमा काठमाडौं महानगरको प्रमुख भइसकेका छन् ।