२०८० चैत्र १६ - Fri Mar, 2024 -

Janasewa News

लिभरपुल च्याम्पियन्स लिगको फाइनलमा

लिभरपुल च्याम्पियन्स लिगको फाइनलमा

 

एजेन्सी । लिभरपुल च्याम्पियन्स लिगको फाइनलमा प्रवेश गरेको छ ।

गएराति भएको खेलमा भिल्लारियललाई ३–२ गोल अन्तरले पराजित गरेको लिभरपुल समग्रमा ५–२ जित निकाल्दै फाइनलमा प्रवेश गरेको हो । सेमिफाइनलको पहिलो लेगमा लिभरपुलले २–० को जित निकालेको थियो ।

भिल्लारियलको घरेलु मैदानमा भएको खेलमा लिभरपुललाई जित दिलाउनको लागि फाबिन्हो, लुइस डियाज र साडियो मानेले गोल गरे । भिल्लारियलको लागि बोलाय डिआ र फ्रान्सिस कोक्विलिन गोल गरेपनि हार टर्न सकेन ।

भिल्लारियलले पहिलो हाफमा लिएको २–० को अग्रता जोगाउन सकेन । पहिलो हाफमा भिल्लारियलले २ गोल गरेसँगै समग्र सेमिफाइनल टाइ २–२ को रोमाञ्चक बराबरीमा पुगेको थियो ।

खेलको तेस्रो मिनेटमै बोलाय डिआ गोल गर्दै भिल्लारियल अग्रता दिलाएका थिए । ४१औँ मिनेटमा कोक्विलिन गोल गर्दै सम्रग खेल २-२ को बराबरी बनाएका थिए ।

दोस्रो हाफमा भिल्लारियल सम्हालिन नसक्दा लिभरपुलले तीन गोल गर्यो । ६२औं मिनेटमा फाबिन्हो, ६७औं मिनेटमा लुइस डियाज र ७४औं मिनेटमा साडियो मानेले गोल गरे ।

पछिल्लो पाँच वर्षमा लिभरपुल च्याम्पियन्स लिगको फाइनल पुगेको यो तेस्रो पल्ट हो । अब उसले रियल म्याड्रिड र म्यानचेस्टर सिटीबीच हुने दोस्रो सेमिफाइनलको विजेतासँग उपाधिका लागि भिड्ने छ ।

अर्को सेमिफाइनलको दोस्रो लेग बुधबार रियलको घरेलु मैदान सान्टियागो बर्नाबाउमा हुँदैछ र त्यसमा सिटी ४–३ ले अगाडि छ ।

Leave a Reply

Company Information

फेन्डसिप जनसेवा मिडिया प्रा. लि.
(Friendship Jana Sewa Media Pvt.Ltd.)
अध्यक्ष /संचालक: राजन मगर
म्यानेजिङ डाइरेक्टर / संचालक: रमेश बसेल
सम्पादक: दिपक मिजार (गैरे)
सुचना तथा प्रसारण विभाग दर्ता नं
2999-2078/79

Contact Information

Friendship Jana Sewa Media Pvt.Ltd.
Kathmandu, Nepal

015918966, 9851118966
info@janasewanews.com
www.janasewanews.com