मतदाता नामावलीमा नाम भएका मतदाताले नागरिकता देखाएर मत हाल्न पाउँछन्
मतदाता नामावलीमा नाम भएका मतदाताले नागरिकता देखाएर मत हाल्न पाउँछन्
काठमाडौँ । मतदाता परिचयपत्र नभएकाले स्थानीय तहको निर्वाचनमा मत खसाल्न पाउने भएका छन् । मतदाता नामावलीमा नाम भएका मतदाताले अरु परियचका आधारमा पनि मतदानमा सहभागी हुन पाउने निर्वाचन आयोगले जनाएको छ ।
आयोगका प्रमुख आयुक्त दिनेश थपलियाले भने, नागरिकताको प्रमाणपत्र, राष्ट्रिय परिचयपत्र, राहदानी वा जग्गा धनी प्रमाणपत्रको पुर्जामध्ये एक थोक हुनुपर्ने छ । तर, मतदाता नामावलीको अन्तिम मतदाता नामावलीमा मतदाताको नाम समावेश भएको हुनै पर्छ ।
मतदाता नामावलीमा नाम भएका मतदातालाई परिचयपत्र नभए पनि परिचय खुल्ने आवश्यक प्रमाणपत्र भएमा मतदान केन्द्रका निर्वाचन अधिकृतले मतदान गर्न सहजीकरण गर्नु पर्नेछ, उनले अगाडि थपे ।