किस्पाङ गाउँपालिकामा गठबन्धनलाई पछि पार्दै काँग्रेसको अग्रता

जनसेवा न्युज डटकम संवाददाता

नुवाकोट जिल्लाको किस्पाङ गाउँपालिकामा नेकपा माओवादी केन्द्र र नेकपा एमालेको फरक गठबन्धनलाई पछि पार्दै नेपाली काँग्रेसले अग्रता लिएको छ । हालसम्म गणना भएको कुल १२३४ मतमा नेपाली काँग्रेसका प्रमुख पदका उम्मेदवार छत्रबहादुर लामाले ५९३ मतसहित गठबन्धनलाई पछि पारेको हुन् ।

यता माओवादी–एमाले गठबन्धनका साझा उम्मेदवार वीर बल तामाङले ५६२ मत प्राप्त गरेका छन् । यता उपप्रमुखतर्फ पनि नेपाली काँग्रेसकै उम्मेदवार दिल कुमारी मोक्तान ६११ मतसहित अग्रस्थानमा रहन सफल छिन् भने दोस्रोमा ५४९ मतसहित नेकपा माओवादी केन्द्रका उम्मेदवार अर्जुन प्रसाद न्यौपाने रहेका छन् ।