गोरखाको अजिरकोटमा माओवादी केन्द्र विजयी

जनसेवा न्युज डटकम  संवाददाता

गोरखाको अजिरकोट गाउँपालिका अध्यक्षमा नेकपा माओवादी केन्द्रका दिपक देवकोटा निर्वाचित भएका छन् । देवकोटाका निकटतम प्रतिद्वन्द्वी नेपाली काँग्रेसका गोविन्द गुरुङ पराजित भएका छन् । यस्तै उपाध्यक्षमा माओवादीकै अनिता भुजेलले काँग्रेसकी इन्द्र गुरुङलाई पराजित गरेकी छन् ।

देवकोटा ३७८७ मत ल्याएर विजयी भएका छन् भने भुजेल ३५३२ मत ल्याएर निर्वाचित भएकी छन् । निकटतम प्रतिद्वन्द्वी गुरुङले ३२८९ मत ल्याएका छन् भने भुजेलका निकटतम प्रतिद्वन्द्वी इन्द्र गुरुङले ३३६१ मत ल्याएकी छन् ।

्अजिरकोट मुख्य निर्वाचन अधिकृतको कार्यालयले औपचारिक रुपमा केही बेरमा घोषणा गर्ने तयारी गरेको छ । अजिरकोटमा माओवादी, काँग्रेस एमालेबीच त्रिपक्षीय प्रतिस्पर्धा गरेका थिए । यसअघि निर्वाचनमा अजिरकोट अध्यक्ष र उपाध्यक्ष दुबै काँग्रेसले जितेको थियो ।