जनसेवा न्युज डटकम संवाददाता

नेपाली राष्ट्रिय महिला क्रिकेट टोलीले युगान्डा विरुद्धको पहिलो महिला टी–ट्वान्टी अन्तराष्ट्रियमा बलिङ गर्ने भएको छ । त्रिवि क्रिकेट मैदानमा नेपालले टस जितेर पहिले फिल्डिङ रोजेको हो । आजको खेलमा नेपाल सहज जित निकाल्दै सिरिजमा सुखद सुरुवात गर्ने योजनामा छ ।

यता युगान्डा पनि जितबाट सिरिजको सुरुआत गर्न चाहन्छ । आजको खेलमा अस्मिना कर्माचार्यले डेब्यू गरेकी छन् । घरेलु प्रतियोगिताहरूमा उत्कृष्ट प्रदर्शन गर्दै आएकी उनले राष्ट्रिय टोलीबाट डेब्यू गरेकी हुन् । अन्तराष्ट्रिय क्रिकेट खेल्न लागेको १५ वर्षपछि नेपाली महिला टोलीले पहिलो पटक घरेलु मैदानमा सिरिज खेल्न लागेको हो ।

नेपालले २००७ मा मलेसियामा भएको एसीसी महिला च्याम्पियनसिप खेल्दै अन्तर्राष्ट्रिय क्रिकेट खेलेको हो ।