काँग्रेसबाट उर्लाबारीको मेयर र उपमेयर दुवै खोस्यो एमालेले
काँग्रेसबाट उर्लाबारीको मेयर र उपमेयर दुवै खोस्यो एमालेले
काठमाडौं । मोरङको उर्लाबारी नगरपालिकाको मेयर एमालेले खोसिदिएको छ । भर्खरै सम्पन्न मतपरिणाम अनुसार एमालेका उम्मेदवार गंगा प्रसाद खरेल विजयी भएका छन् ।
काँग्रेसका निवर्तमान मेयर खड्क फागोलाई खरेलले १२ हजार १ सय ५६ मत ल्याएर पराजित गरेका हुन् । उता फागोले भने १० हजार २ सय ९० मत ल्याएका छन् ।
उपमेयरमा पनि एमालेकै उम्मेदवार मिना कुमारी खतिवडा विजयी भएकी छन् । उनले पनि काँग्रेसकै उम्मेदवारलाई पराजित गरेर विजयी भएकी हुन् ।
उनी १० हजार ७ सय २ मत ल्याएर विजयी हुँदा काँग्रेसकी सीता कार्कीले भने १० हजार ६ सय ४० मत प्राप्त गरिन् ।
त्यस्तैगरी उर्लाबारीका ९ वडामध्ये ५ वटा वडा एमालेले जितेको छ भने ४ वटा वडामा मात्रै नेपाली काँग्रेसले जितेको छ ।